زه محمد ظریف سنګر یم. د لیسانس تر کچه مې زده کړې کړي. د پهنتون له وخت څخه مې هیله دا وه چې یوه ورځ په پهنتون کې د ښوونکي مقدسه دنده ترلاسه کړم او وتوانیږم چې نورو ته یو څه ورزده کړم. له بده مرغه د سیاسی بدلونونو له وجهې کډوال شوم. په آلمان کې مې د جرمني ژبې زده کړې پیل کړې د کورس تر څنګ مې په یوټیوب کې هم درسونه تعقیبول خو یوه لویه تشه چې ما احساسوله هغه په پښتو کې د جرمني ژبې د درسونو نشتوالی وو

له ځان سره مې دا پریکړه وکړه چې زه به جرمني ژبه زده کووم او وروسته به په پښتو ژبه د همدې ژبې تدریس کوم او دا تشه به ډکوم

له تیرو ۲ کلونو راهیسی زه خپل دې هدف ته رسیدلی یم او په پښتو کې مې د جرمني ژبې یو داسې آنلاین ښوونخی رامنځته کړی چې په انلاین نړی کې دې ډیرو معتبرو ښوونځیو په څیر په معیاراتو برابر او ټوله نړۍ کې د لاسرسی وړ ده

پر یوټیوب ، ټیکټاک، او فیسبوک د جرمني ژبې په درسونو عمومي خپرونې خپروم او پر ویبسایټ او اپلیکشن کې د هرې کچې لپاره خاص کورسونه وړاندې کوم. او دا هرڅه زما د مور او پلار د دعاګانو او ستاسو محترمو هیوادوالو د هڅونې له برکته پر مخ روان دي.

زه غواړم چې لومړی په خپل ژوند او بیا ستاسو په ژوند کې مثبت تغییر راولم. زمونږ د کورسونو په تعقیبولو او د خدای ج په یارۍ سره به وتوانیږئ چې په آلمان، اتریش او سویس کې خپل ځان لپاره د تحصیل، کار، او ښه ژوند زمینه برابره کړئ

ښاد او بریالي اوسئ